Pan Gi Munun köməkçisi `ASAN Xidmət`i nümunə göstərdi

19:04     30 Sentyabr 2016

Azərbaycan xarici işlər naziri Elmar Məmmədyarov BMT baş katibinin köməkçisi, təşkilatın İnkişaf Proqramının (UNDP) Avropa və MDB ölkələri üzrə ofisinin direktoru Cihan Sultanoğlunu qəbul edib.

XİN-in mətbuat xidmətindən Femida.az-a verilən məlumata görə, görüşdə Azərbaycanla UNDP arasında əməkdaşlığının uğurla inkişaf etdiyini vurğulanıb və əlaqələrin inkişafı üçün səylərin artırılmasının vacibliyi qeyd edilib.

Eyni zamanda XİN-in nəzdində fəaliyyət göstərən Azərbaycan Beynəlxalq İnkişaf Agentliyinin (AIDA) humanitar sahədə gördüyü işlər və həyata keçirdiyi layihələr yüksək qiymətləndirilib.

C. Sultanoğlu təmsil etdiyi qurumun Azərbaycanla əməkdaşlığı genişləndirməkdə maraqlı olduğunu bildirib və ikitərəfli əməkdaşlıq nəticəsində əldə olunan uğurlardan söz açıb. O, həmçinin, Azərbaycanın ANAMA və ASAN Xidmət kimi qurumların təcrübəsindən digər ölkələrin faydalanmasının zəruriliyini qeyd edib.

Görüşdə həmçinin bildirilib ki, Azərbaycanın 2017-2019-cu illər üçün BMT-nin İqtisadi və Sosial Şurasına (ECOSOC) üzv seçilməsi davamlı inkişafa məqsədlərinə töhfə vermək üçün əlavə imkanlar yaradacaq.

Femida.az

Açar sözlər:

Oxunub: 1052